Tour de France

Tour de France
Logo
Uusdragigsland	Frankreich Frankriich
Uusdragigszytruum	Juli
Ränntyp	Etapperänne
Organisator	ASO
Erschti Uflag	1903
Erschte Siiger	Flagge Frankreichs Maurice Garin
Rekordsiiger	Flagge Frankreichs Jacques Anquetil, Flagge Belgiens Eddy Merckx, Flagge Frankreichs Bernard Hinault, Flagge Spaniens Miguel Indurain (je 5 Siig)

D Tour de France [ˌtuʀdəˈfʀɑ̃ːs], uf Französich au Grande Boucle [gʀɑ̃dˈbukl] („Grossi Schleife“) oder eifach Le Tour [ləˈtuːʀ], isch s berüehmtiste und für d Fahrer bedütendste Velorennen uf der Wält. Sit 1903 wird d Tour jedes Johr – mit Usnahm vo der Zit vom Erste (usgfalle 1915–1918) und vom Zweite Wältchrieg (usgfalle 1940–1946) – währed drei Wuche im Juli usdrait. D Streckefüehrig quer dur Frankriich und s nooche Usland wird jedes Johr gänderet. S Renne wird vo der Amaury Sport Organisation (ASO) veraastaltet. D Tour gältet noch der Fuessball-Wältmeisterschaft und de Olympische Spiil as s drittgrösste Sportereignis uf der Wält.

D Tour de France vo de Fraue – La Grande Boucle Féminine Internationale – isch vo 1984 bis 2009 usdrait worde. D Lengi und d Bedütig si im Vergliich zur Tour vo de Manne marginal gsi.